Desde a Rede Sabugueira Saudable, comprácenos convidarvos ao Diálogo en Comunidade que terá lugar no Centro Sociocultural da Lavacolla o venres 15 de novembro de 19:30 a 21:00h (apertura de portas ás 19:15h).
Nesta xuntanza compartiremos os avances e propostas do plan de acción para o coidado das persoas e da contorna en Sabugueira. Un plan que emerxe da colaboración cidadá, social e institucional na identificación de problemáticas, recursos e solucións posibles e que está aberto ás achegas e axustes pertinentes para a súa posta en marcha.
Por isto, esperamos poder contar coa vosa participación neste espazo construtivo. Agradecendo todos os esforzos que fixeron posible o camiño percorrido, e confiando en que conxuntamente seguiremos favorecendo a saúde comunitaria e os Obxectivos de Desenvolvemento Sustentable.
Actividade aberta, organizada pola Rede de Promoción da Saúde Sabugueira Saudable.
